ធ្វើបែបណាឲ្យនាងសប្បាយចិត្ត?
នារី ភាគច្រើនតែងតែគិតស្មុគស្មាញច្រើន ឬជួនកាលមានការយល់ច្រឡំនឹងមិត្តប្រុសរបស់ខ្លួនជារឿយៗ។ មិនថាស្រលាញ់ឬមិនស្រលាញ់ បុរសក៏មិនអាចរស់នៅដោយមិនការរួមចំណែកពីនារីបានដែរ។ ខាងក្រោមជាវិធីដកស្រង់ងាយៗ ដែលអាចរក្សាបានភាពរីករាយក្នុងចិត្តនាងបាន។
រឿងតែមួយដំបូងដែលអ្នកត្រូវដឹងនោះគឺ នារីតែងតែមានអារម្មណ៍ថា មិនត្រឹមតែអ្នកនៅជុំវិញខ្លួននាងសូម្បីតែអ្នកគឺហាក់មិនសូវ ចាប់អារម្មណ៍ស្ដាប់អ្វីដែលនាងនិយាយ។ ដូចនេះចំណុចចាប់ផ្ដើមធ្វើឲ្យមិត្តស្រីរបស់អ្នកសប្បាយចិត្តនោះ គឺ ចំណាយពេលស្ដាប់នាងនិយាយ ឬយ៉ាងហោចណាស់ បញ្ចុះបញ្ចូលនាងថាអ្នកកំពុងតែយកចិត្តទុកដាក់ស្ដាប់នាង។ បើអ្នកអាចធ្វើចំណុចនេះបាន ភាពទាស់ទែងនឹងមិនមាន ឬទំនាក់ទំនងអ្នកនិងនាងនឹងល្អប្រសើរ។
ករណីកិច្ចការបោសសំអាតផ្ទះជាកិច្ចការដែលនាងធ្វើជាប្រចាំ។ នេះគឺជាអ្វីដែលនាងត្រូវតែធ្វើ តែមិនមែនមានន័យថាមិនចាំបាច់ជួយធ្វើនោះទេ។ អ្នកអាចរកពេលវេលាខ្លះជួយនាងធ្វើកិច្ចការនេះ ដោយមិនបាច់ខ្វល់ថាអ្នកអាចជួយបានប៉ុណ្ណាទេ តែសំខាន់នាងនឹងដឹងថាអ្នកតែងយកចិត្តទុកដាក់ និងកាន់តែធ្វើឲ្យនាងមានកម្លាំងនិងទឹកចិត្តធ្វើកាន់តែខ្លាំង។
បុរសមិនសូវមើលឃើញពីសារៈសំខាន់នៃមនោសញ្ចេតនាខាងក្នុង ទំនាក់ទំនងមួយដូចជានារីទេ។ សូមកុំឲ្យនារីគិតថានាងប្រៀបបាននឹងចំណី ដោយកាយវិការរបស់អ្នក។ ដើម្បីបង្ហាញពីមនោសញ្ចេតនាជ្រាលជ្រៅរបស់អ្នក ក៏ដូចជាធ្វើឲ្យនារីនោះពេញចិត្តនឹងអ្នក អ្នកគួរសម្ដែងភាពផ្អែមល្ហែមតាមការថើប អោបថ្នមៗ …ជាដើម។
រឿងមួយទៀតដែលនាងខ្វល់គឺចំនួន ពេលវេលាដែលអ្នកបានចំណាយពេលធ្វើកិច្ចការផ្សេងដោយមិនមានវត្តមាន នាងនៅជាមួយ។ ពេលវេលា ដូចជា ដើរកម្សាន្តជាមួយមិត្តភ័ក្ដិ លេងហ្គេម ទស្សនាកីឡា…ជាដើមសុទ្ធតែជារឿងរីករាយដែលអ្នកតែងតែមាន តែសូមឲ្យចេះប្រមាណ និងយល់ពីនាង។ ប្រសិនបើអ្នកចំណាយពេលទាំងស្រុងទៅលើកិច្ចការទាំងនេះ នាងនឹងឈ្លោះនឹងអ្នកដោយសារតែរឿងទាំងនេះ។ កុំបារម្ភ អ្នកអាចចំណាយពេលវេលាណាមួយ អាចជាថ្ងៃចុងសប្ដាហ៍ សម្រាប់ធ្វើអ្វីដែលនាងចង់ធ្វើ យកចិត្តទុកដាក់នាងជាពិសេស នោះអ្នកគ្រប់គ្រាន់ពេកហើយ រួចពីនោះអ្នកនឹងដឹងថាអ្នកនៅសល់ថ្ងៃជាច្រើនធ្វើកិច្ចការដែល ជាចំណង់ចំណូលចិត្តរបស់អ្នកវិញ។ ទាំងនេះបញ្ជាក់ថា តើវាមានសារៈសំខាន់បែបណាក្នុងការធ្វើឲ្យនាងសប្បាយចិត្ត។ ដាច់ខាតកុំគិតថា នាងជារបស់ទីពីរ បន្ទាប់រឿងដែលជាចំណូលចិត្តរបស់អ្នក។
ចុងក្រោយបង្អស់ដែលសំខាន់ដូចគ្នាដែរនោះ គឺ កុំភ្លេចឲ្យសោះត្រូវប្រាប់នាងថា អ្នកស្រលាញ់នាង។ បុរសៗតែងតែមិនសូវយកចិត្តទុកដាក់ត្រង់ចំណុចនេះ ដោយជួនកាលគ្រាន់តែនិយាយពាក្យបីម៉ាត់នេះឲ្យរួចពីមាត់ដោយមិន បានបង្ហាញពីមនោសញ្ចេតនាដល់នាង។ ត្រង់ចំណុចនេះ មិនមែនមានន័យថាអ្នកគ្រាន់តែ និយាយទេ អ្នកអាចសម្លឹងមើលភ្នែករបស់នាង រួចសឹមប្រាប់នាងថាអ្នកស្រលាញ់នាង…ទើបមានន័យសម្រាប់នាង។ នាងប្រាកដជាដឹងថា អ្នកនិយាយមកដោយចេញពីចិត្តឬមិនមែន៕
Leave a Comment
Comments (0)