Microsoft​សន្យាដាក់​​USB 3.0​ក្នុង​ Windows 8

Microsoft បាន​ឲ្យ​ដឹង​កាល​ពី​ថ្ងៃ​កន្លង​ទៅ​ថា Windows 8 នឹង​បន្ថែម​ល្បឿន USB 3.0 កាន់​តែ​ខ្លាំង​ និង​ធ្វើ​វា​ឲ្យ​កាន់​តែ​អស្ចារ្យ។ អ្វី​ដែល​ Microsoft ចង់​បាន​នៅ​ក្នុង Widows 8 គឺ​ការ​ល្បឿន​កាន់​តែ​លឿន​របស់ USB 3.0 និង​រក្សា​ថាមពល​ថ្ម​ឲ្យ​បាន​កាន់​តែ​យូរ​ជាង​មុន។ Windows 8 នឹង​មាន​សមត្ថភាព​ពិសេស​ដែល​អាច​គ្រប់គ្រង​ថាមពល​ថ្ម សម្រាប់​ប្រើប្រាស់​ឲ្យ​មាន​ប្រសិទ្ធភាព និង​រយៈ​ពេល​យូរ។ គ្រាន់​តែ​មើល​ក្នុង​រូបភាព​ វា​ពិត​ជា​អស្ចារ្យ​មែន ល្បឿន​រហូត​ដល់ 227 MB ក្នុង​មួយ​វិនាទី។ ប៉ុន្តែ​គួរ​ធ្វើ​ម៉េច​បើ​ USB មាន​ល្បឿន​យឺត​ស្រាប់​នោះ? ដើម្បី​ចង់​ដឹង​ថា​អ្វី​ៗ​អាច​ដំណើរការណ៍​ដូច​ការ​រំពឹង​ទុក Microsoft បាន​បង្កើន​ឧបករណ៍​សម្រាប់​វាយតម្លៃ​ USB ឬ Microsoft USB Test Tool (MUTT)។

មក​ដល់​ពេល​នេះ មិន​ទាន់​ដឹង​ច្បាស់​ថា​ពេល​ណា​ Microsoft នឹង​ចេញ​ Windows 8 ជា​ផ្លូវ​ការ​ទេ ប៉ុន្តែ​ពី​មួយ​ថ្ងៃ​ទៅ​មួយ​ថ្ងៃ​ចេះ​តែ​មាន​ពាក្យ​ចចាមអារ៉ាម​ ពី​លក្ខណៈ​ពិសេស​របស់​វា។ តើ​​ពេល​ណា​ Windows 8 ចេញ​ឲ្យ​ប្រើ​ជា​សាធារណៈ​?